7 oyda 500 ming foydalanuvchi va 100 ming dollar – OYGULning hikoyasi

Odamlarni xursand qilish har doim oson emas. Ayniqsa, gul va sovg‘a topish, yetkazib berish masalasi ko‘pchilik uchun bosh og‘rig‘i edi. Aynan shu muammoni hal qilish uchun OYGUL paydo bo‘ldi.

Bu oddiy yetkazib berish ilovasi emas. Bu — hayotingizga quvonch olib kiradigan, sovg‘a berishni osonlashtiradigan platforma.

OYGUL’ni 2024-yilda uchta do‘st — Asilbek Akbarov, Nurislombek Maxkamjonxojizoda va Kasimov Temur ishga tushirdi. Ularning maqsadi aniq edi:

Yaqinlaringizni xursand qilishni oson va qulay qilish.

2024-yilda O‘zbekistonda odamlar yaqinlariga sovg‘a topish va yetkazish jarayoniga deyarli ikki kun vaqt sarflashardi. Bunga uzoq do‘kon qidirish, sekin javob beruvchi operatorlar va past sifatli yetkazib berish xizmati sabab bo‘lar edi. Shu bilan birga, onlayn to‘lovda firibgarlik xavfi yoki sifatsiz savdo nuqtalari bo‘lishi mijozlarni qo‘rqitib, real sotib olishga to‘sqinlik qilar edi.

Sotuvchilar uchun ham oson emas edi. Reklama qilish qimmat, mijoz bilan ishlash qiyin, yetkazib berishni o‘zlari qilishga majbur edilar.

OYGUL barcha yuqori sifatli savdo rastalarini yagona platformaga birlashtirdi. Mijozlar taklif etilayotgan har bir guldasta yoki sovg‘a oldindan tekshirilganidan xabardor bo‘lib, jo‘natishdan avval gulning jonli suratini olishadi. Operator bilan uzoq gaplashish shart emas – tezkor onlayn buyurtma va sifatli yetkazib berish yo‘lga qo‘yilgan. Savdogarlar esa kam vaqt ichida keng auditoriyaga chiqish imkoniga ega bo‘lib, har bir mijoz bilan alohida ishlash zaruriyati kamayadi.

2024-yil Sentyabr: OYGUL daromadi 100 dollar atrofida edi.
2025-yil Mart: Daromad 10 ming dollardan oshdi.
🏆 Kompaniya erishgan yutuqlar
2024-yil Noyabr: “U-Enter Central Asia” mukofoti
2024-yil Dekabr: “President Tech Award” mukofoti

Do‘kon bilan to‘g‘ridan-to‘g‘ri bog‘laydigan chat funksiyasi
Guldastaning tarkibini aniqlovchi sun’iy intellekt
Avtomatlashtirilgan tilmoch (3 tilda tarjima)
Ma’lumotlarga asoslangan tavsiyalar algoritmi
Click orqali xavfsiz to‘lov tizimi
Foydalanuvchilarga qulay soddalashtirilgan UX/UI dizayn

Bir necha o‘n nafar foydalanuvchidan boshlab, 7 oy ichida 500 mingdan ortiq Toshkentliklar OYGUL platformasidan foydalandi.
Daromad ishga tushirilgandan keyingi dastlabki 7 oy ichida 100 barobarga oshdi.
Platformada hozirda 50 dan ortiq savdogarlar tomonidan taqdim etilayotgan 6000 dan ortiq gullar va sovg‘alar mavjud.

CustDev muhimligi: OYGUL 50 dan ortiq gul do‘konlari bilan suhbatlashib, 200 dan ziyod ayollar o‘rtasida so‘rov o‘tkazgan.
MVP uchun katta mablag‘ sarflash shart emas: Dastlabki versiyani ishlab chiqish uchun 100 dollar kifoya bo‘lgan.
Ajoyib jamoa – muvaffaqiyat kaliti: OYGUL jamoasi 8 oy davomida maoshsiz ishlagan holda o‘z g‘oyasiga ishonchni saqlab qoldi.
Startapni doim targ‘ib qilish: Yangi hamkorlar va o‘sish imkoniyatlarini qidirishdan to‘xtamaslik.

Asosiy muammolarni aniq belgilab, ularga mos yechim taklif qilish.
Ishni minimum viable product (MVP) bilan boshlash va real foydalanuvchilardan fikr olish.
Bozorni o‘rganish va potentsial mijozlar bilan suhbatlashish – muvaffaqiyatga eltuvchi eng qisqa yo‘l.
Investorlar va hamkorlar bilan hamkorlikda samarali marketing strategiyasini tanlash.