Startup Garage'dan $50 ming jalb qilgan Zingo ilovasi

ZINGO — bu zerikarli grammatik darslar emas.

Bu — jonli suhbatlar orqali ingliz tilini o‘rganishga yordam beradigan platforma.

ZINGO startapini Saidnabi va Behzod 2024-yil avgustda boshlashgan.

Ularning maqsadi oddiy edi — foydalanuvchilarga o‘z darajasiga mos suhbatdoshlar bilan muloqot qilish orqali ingliz tilini o‘rganishni oson, qiziqarli va samarali qilish.
Missiya – Insonlarga real suhbatlar orqali til o‘rganishning eng tabiiy va samarali usulini taqdim etish.

Ko‘plab insonlar ingliz tilini o‘rganishda qiyinchiliklarga duch kelishadi. An’anaviy usullar zerikarli va yetarlicha amaliy tajriba bermaydi. Shu bilan birga, ko‘pchilik til o‘rganishda jonli muloqot qilish imkoniyatiga ega emas.

Zingo foydalanuvchilarga o‘z darajasiga mos suhbatdoshlar bilan real vaqt rejimida muloqot qilish imkoniyatini yaratadi. Sun’iy intellekt yordamida xatolar tahlil qilinadi va foydalanuvchilarga shaxsiylashtirilgan tavsiyalar beriladi. Bu til o‘rganishni tabiiy, qiziqarli va samarali qiladi.

ZINGO foydalanuvchilarga o‘xshash darajadagi suhbatdoshlar bilan 24/7 muloqot qilish imkoniyatini taqdim etadi. Platforma faqat gapirish bilan cheklanmay, grammatik mashqlar va video darslar orqali til o‘rganishni kompleks tarzda qo‘llab-quvvatlaydi. Bundan tashqari, sun’iy intellekt yordamida foydalanuvchilar ovozli xabar yuborib, AI orqali o‘z so‘zlashuvdagi xatolarini tahlil qilish va to‘g‘rilash imkoniyatiga ega.

Bosqichlar:
2024-yil avgust – ZINGO loyihasini amalga oshirish boshlandi.
2024-yil sentabr – ICT Week tadbiri davomida angel investordan investitsiya jalb qildi.
2025-yil fevral – ZINGO MVP tayyor bo‘ldi va foydalanuvchilarga taqdim etildi.

P2P (peer-to-peer) modeliga asoslangan platforma – foydalanuvchilar bir-birlari bilan to‘g‘ridan-to‘g‘ri muloqot qilish imkoniyatiga ega.
Backend – .NET (C#) dasturlash tilida yozilgan.
Mobil ilova – Flutter texnologiyasida ishlab chiqilgan.
Sun’iy intellekt integratsiyasi – foydalanuvchilarning ovozli xabarlarini tahlil qilish va xatolarni aniqlash uchun AI texnologiyasidan foydalaniladi.

2024-yil sentabr – ICT Week tadbiri davomida angel investor tomonidan 50,000$ investitsiya jalb qilindi.

Platforma test rejimida ishga tushganiga 1 oy bo‘ldi.
450+ foydalanuvchi ro‘yxatdan o‘tib, platformadan foydalandi.
Hozircha sotuv amalga oshirilmagan, marketing ishlari endi olib borilmoqda.

2026-yilgacha – ZINGO platformasini butun O‘zbekiston bo‘ylab tanitish va faol foydalanuvchilar sonini sezilarli darajada oshirish.
2026-yildan boshlab – O‘rta Osiyo va jahon bozoriga chiqish, xalqaro miqyosda o‘sish strategiyasini amalga oshirish.
Til diapazonini kengaytirish – Platformani faqat ingliz tili uchun emas, balki rus va arab tillarida ham muloqot qilish imkoniyatiga ega qilish.
Asosiy maqsad – ZINGO ni til o‘rganish uchun eng qulay va samarali platformaga aylantirish hamda global miqyosda raqobatbardosh startap sifatida rivojlantirish.

Foydalanuvchilar ehtiyojini tushunish muhim – Ingliz tilini o‘rganishda muloqotga ehtiyoj katta, shuning uchun platforma real ehtiyojga asoslanishi kerak.
Marketing strategiyasi doimiy takomillashtirilishi kerak – Faqatgina mahsulotni yaratish yetarli emas, uni to‘g‘ri auditoriyaga yetkazish ham muhim
P2P muloqot modeli orqali insonlar o'z darajasiga mos sheriklar topish orqali doim aktiv bo'lishga va ko'proq gaplashishga qiziqishdi
Investitsiya jalb qilinishi rivojlanish uchun muhim qadam bo‘ldi.

Minimal MVP bilan boshlang – Dastlab foydalanuvchi muammosini hal qiladigan asosiy mahsulotni yarating.
Foydalanuvchilarning fikr-mulohazasiga e’tibor bering – Platformani yaxshilash uchun ularning fikrlarini doimiy ravishda tahlil qilish zarur.
Jamoa muhim – Startapda to‘g‘ri jamoani yig‘ish muvaffaqiyat kalitidir.